صابلي الوردة
 |
| صابلي الوردة مرحبا اليوم جبتلكم صابلي الوردة تحفة من ناحية الشكل والمذاق مناسب لكل المناسبات والأفراح من وصفات الورشات حلوى راقية بطبقات متجانسة صابلي طري، كراميل ناعم، حشو غني، وتزيين بوردة شكولا الجميلة أولاً عجيينة الصابلي المكونات: 125 غ زبدة طرية (ستار) 50 غ سكر ناعم 25 غ لوز محمص ومطحون 25 غ فايتين مطحونة 2 صفار بيض ملعقة كبيرة كريمة سائلة كيس نيسكافي فرينة حسب الحاجة الطريقة: 1. نخلط الزبدة مع السكر حتى يولي الخليط كريمي. 2. نزيد بخالان، الفايتين، صفار البيض، الكريمة، ونيسكافي ونخلط مليح. 3. نضيف الفرينة شوية بشوية حتى نتحصل على عجينة طرية بزاااف. 4. نغلفها ونخليها تبرد في الثلاجة على الأقل 30 دقيقة باش تشد روحها. ثانياً: الكراميل (للتلصيق) المكونات: 133 غ حليب مركز محلى (نسلي) 15 غ ماء 60 غ كريمة سائلة 50 غ سكر 3 غ بيكربونات الطريقة: 1. نكرمل السكر وحدو. 2. في جهة أخرى، نسخن الحليب المركز + الماء + الكريمة. 3. كي يتكرمل السكر، نزيد عليه الخليط ونخلط مليح حتى يتجانس. 4. نواصل الطهي حتى نقدر ندير خط بالملعقة وما يرجعش. 5. نطفي النار، نخليه يبرد، ثم نضيف البيكربونات ونخلط حتى يرغى ويتكاثف. ثالثاً: وردة الشكولا البيضاء (3 طبقات) المكونات: • 200 غ شكولا بيضاء • ملون غذائي أصفر الطريقة: 1. نذوب الشكولا على حمام مائي. 2. ننحيها من فوق النار ونزيد الملون ونخلط حتى يولي لون موحد. 3. نصب طبقة رقيقة في مول سيليكون شكل وردة ونخليها تبرد. 4. نزيد طبقتين بنفس الطريقة، نخلي كل وحدة تبرد قبل ما نزيد الثانية. رابعاً: الحشو داخل الوردة المكونات: 180 غ شكولا بالحليب 180 غ لوز محمص ومطحون 180 غ فايتين مطحونة 4 ملاعق كبار زيت الطريقة: 1. نذوب الشكولا. 2. نزيد البخالان + الفايتين + الزيت ونخلط مليح. 3. نعمر الحشو داخل الوردة (فوق طبقة الشكولا) ونزيد فوقه طبقة شكولا خفيفة. 4. ندير الوردات في الثلاجة حتى تبرد وتتماسك. خامساً: الطهي والتجميع طهي الصابلي: 1. نحل العجينة ونقطعها حسب حجم مول ميني تارتولات. 2. نحطها داخل المول ونشكلها حسب القالب. 3. نطيبها في فرن مسخن على 180° حتى تتحمر شوية وتبقى محافظة على شكلها. 4. نخليها تبرد تماماً. التجميع : 1. نعمر كل تارتولة بشوية كراميل. 2. نلسق فوقها وردة الشكولا المحشية. 3. ندخلها الثلاجة حتى تتماسك، ومن بعد نزينها في أطراف الحبة بالفستق كما راهو موضح في الصورة |
عزيزي الزائر لا تخرج قبل إبداء رأيك في الموضوع فذالك يهمنا