شيش كباب
شيش كباب
نواصل مع المطبخ اللبناني والوصفات الصيفيه الشهية والسريعة ،وصفات بمكونات بسيطة ، وصفة شيش كباب
Chiche kebab
Kebab Istanbul
ناخد بصلة كبيرة معاها 1 فلفل حار نرحيوهم في ا رقيق مبعد نصفيه من الماء تاعوا ( الماء نحتفظو بيه نحتاجوه)
مبعد نجيب صدر دجاج نرحيه في الاشوار خشين شوية بعد مانرحيوه نزيدو معاه البصلة لي صفيناها شايحة ونزيدو نص ربطة معدنوس
بالنسبة للتوابل:
فلفل أسود و عكري ، توابل دجاج ملح ( ونرحيو شحمة في الاشوار ونحطاها معاهم الشحمة هي المكون الأساسي باش يجي الشواء بنين)
ونزيدو عليهم مغرف شابلير أو فرينة ونعجنهم ونخليهم شوية في الثلاجة.
مبعد نجيبو الماء تاع البصلة لي خبيناه نظيفو عليه ملعقة صوص طماطم مصبرة ومعاهم شوية زيت و فلفل اسود وملح وعكري ونطيبوها فوق النار
نحظر اعواد تاع الشواء كل 3 مع بعض وندخلوا الدجاج في الأعود ونعدلوهم وندهنوهم بالصوص تاع الطماطم ونشويوهم على بانيناز او مقلقة لي تجي مخططة)
ممكن نرافقه مع أرز
أهم حاجة تكون نوعية الأرز بسمتي مفور نجيب كأس ونص أرز نغسلو مليح ونصفيه مبعد نحط مغرف كبيرة زبدة في طنجرة تذوب ونفرغ علىاها الأرز ونقليه مليح ونزيدلو مغرف ملح ومغرف كركم ومكعب صغيرة جمبو دجاج ونظيفلو 3 كيسان ماء ونخليه يطيب
يرافق مع أيضا
خبز الرغيف
تشري ميني خبز تورتيلا وتدهنيه بالصوص الطماطم لي خدمتيه وتخليه يطيب شوية على البانيناز لي شويتي فيه الكباب مبعد تفرشيهم في الصحن وتوقفي فوقهم أعواد الكباب وتربطيهم بورق الالمنيوم من فوق وتحطي شوية سلاطة وبطاطس مقلية والأرز.
عزيزي الزائر لا تخرج قبل إبداء رأيك في الموضوع فذالك يهمنا