< وصية الجدات والأمهات لكل بنت

القائمة الرئيسية

الصفحات

وصية الجدات والأمهات لكل بنت

وصية الجدات والأمهات لكل بنت 
وصية الجدات والأمهات لكل بنت
وصية الجدات والأمهات لكل بنت
اليوم من مدونة 3alemmana أقدم لكم بعض النصائح والحكم التي تربينا عليها ،نصائح من  أمهاتنا ،من جداتنا هي عبر  لفلاحنا في هذه الحياة 
فمن اتبعها سهلت مسيرة حياته وعاش سعيدا. 


نوصيك يا بنتي
_نوصيك بالسر والسر كي لعمر الى خرج ماعاد يرجع، 

سرك يابنتي خليه في قلبك واذا حرقك اكتبيه وحرقيه وماتخلي حتى حد يحرقك بيه.
و نوصيك بالصبر يا بنتي واذا قدرتي تصبري راه صابر ينال ونوصيك ب ثلاثة ، شفتي ماشفتي سمعتي ماسمعتي تعرفي ماتعرفي وادا قدرتي عليهم راكي تخطيتي عتبة كبيرة في حياتك .
بنتي ماتخالطي ماداسري راهم يجيبوا ليك لمهانة وماتسكتي على اللي يضرك راه اللي سكت على ماضروا شيطان غروا ، خلي كلامك رزانة ونبرتك حنانة وصوني الامانة.

_نوصيك في ذي دنيا ماتدي غير الكاتبة صح منك السعي بصح اذا جات اهلا وسهلا واذا ماجات ما نموت وراها وبلا بيها و اياك تقطعي الخيط الي بينك وبين ربي مهما اذنبت ومهما قالك ناس ثقي في رحمتو الناس تكسر وسبحانو يجبر بعبدو ويفرح بيه، واياك تضيعي حق والديك عليك اذا دنيا طريق هما نورها ،وخاوتك اذا عليك جارو والا نساو وماحارو ابقاي شادة بيهم الظهر قدام العدو ,  وقدام ذريتك طاعة ليوم غدوة راه احرث تحصد، وما تبعي اصحاب السوء الصاحب ساحب ومن جاور البرمة جاب حمومها ومن جاور الصابون جاب نقاه ، عليك تنصحي ولا تفضحي واذا جروك للهلاك فوتيهم وخليهم وراك ،ولا تقللي من شان اي كان علاقته بربي الزانية دخلت جنتو في كلب حاشاك والعابدة في قطة طاح مقامها ، خلي الناس لرب الناس والهاي بنفسك ماكانش يتحاسب على عبد وعليك تكون قدوة بالفعل قبل ولا تعيبي على عبد حاله بالدنيا ماتعرفي دنيا كيف تتقلب كانوا حفاة رعيان صارو في خيار البنيان ، ولا تكبري ب شان الي ماعندو اصل ولا تمشي في طريق عارفتها حرام و تحبسي على طريق الحلال من اول عثرة ولا تشوفي للباطل وتبعيه راه الي حب عز وقيمة بالباطل ربي غدوة يذلو بحق و اوقفي مع الحق وباتي مظلومة ولا ظالمة ولا يعني تفوتي حقك لالا انطقي بما وجب ويحفظ قدرك ، وماتقولي تعلمت مهما كبرتي وفات عليك يبقى غيرك اعلم منك في شي مافات عليك والاهم لا تظلمي العباد لان غفرانها بيدهم يوم الحساب وذنوبك مع ربي لا خوف رحمان رحيم وكما العمر مايتقسم على اثنين ماتكوني بوجهين ابدااا رزقك عند الي خلقك مش عبد يقطعوا  ،ربي يزيدنا حكمة وعلم ويرزقنا البصيرة.

_يا بنتي نوصيك لا تهزي من دنيا الهموم ولا تقولي القلب مات والعقل حاير ،كلش راه من فوق سماء مقسوم.
ويا الي كاتبوا الرحمان عليا وعليك ساير خليك قوية وليك همة وعْزوم ومهما طال الزمان بعد لحزن يبانو البِشاير

هل اعجبك الموضوع :
author-img
Mana BZ مدونة ومحررة الموقع

تعليقات

العنوان هنا