قصة ريحانة وسمير
 |
| قصة ريحانة وسمير مرحبا أهلا بكم في مدونتي 3alemmana اليوم جبتلكم قصة واقعية رائعة فيها أسمى وأوفى المشاعر هيا منطولش عليكم . قصة ريحانة وسمير تبدأ قصتي انا إسمي ريحانة بنت من عائلة متوسطة الدخل أمورها ميسورة قصتي تبدأ من وانا في عمري 15 سنة كنت نقرأ نجيب معدل مليح والحياة عادية بالنسبة لي ،جات وقت الصيف قررنا نخطبوا لخاوتي في زوج بيهم ،انا تزينت وكنت طفلة شابة شعري طويل كان مطلوق المهم جيت نخظف الانظار في هذا الخطوبة تاع خويا الأول جا ولد عمتي وكان غير يخزر فيا عينو محبطهاش وقت روح هو وأمه قالها اخطبيلي ريحانة وفعلا جات عمتي تطلب يدي وانا كقاتلي يما رفضت رفضا تاما قلتلها مزالني صغيرة وزيد راني نكمل في قرايتي . المهم مرت الأيام ودرنا عرس خويا فات عرس بالطبع والشان وجاء أخو العروسة لهو سمير كان يخزر فيا أيضا عينوا محبطهاش عليا و هو كان يقرأ ماستر في الجامعة وانا مزالني في cem المهم بعتلي التواصل لهي مرت خويا وقالها حبيت نهضر معاها عجبتني وراني ناوي لحلال ،هي جات لهي مرت خويا وقالتي قتلها ميكنش انا مزالني نقرأ والصراحة حتى انا كان عاجبني بصح قلت منقدرش ،فهذيك الوقت كنت حابة نشري تلفون وبابا الله يحفظو جابهولي مفاجأة. وحد النهار زادت مرت خويا طرحت عليا الفكرة هذيك المرة قلتها ايه قليلو يعيطلي في التلفون ونصف ساعة من ذاك عيطلي. المهم احكيها تعارفنا زاد عطاني الفيس بوك تاعوا وهكا طورت العلاقة بناتنا ولينا نخرجها هو دايمن يجي يهزني من وين نقرأ وحد النهار رحت معاه لدار تاع صاحبوا وتم وين صرا لمالازمش يصرا سمير كان يحبني بزاف وانا ثاني بصح الغلطة مكانش لازم ترا هو أغتصبني في هذا ك اليوم وبعدها رجعني لأمام المدرسة هنا شافني ولد عمتي كحطني وراح تداوس تعارك معاه وجا قال لخويا بعدها خويا روح للدار غير يضرب فيا و قعدت في الغرفة تاعي غير نبكي نبكي على واش صرا فيا واش داخلي سمير ايا جات مرت خويا ولمت الموضوع قالت بلي سمير راه كان حاب يهضر معاها تقولكم وكتاش يجي يمد عليها الكلمة بعدها يما امي ولات تسايس فيا واسبوع من هذاك اليوم فعلا سمير جا طلبني من أهلي وقللهم هكا حتى تكمل قرايتها ونتزوجوا إنشاء الله . المهم كملنا على هذيك الحالة انا أصبحت نكره روحي وسمير كنخمم فيه تغيرني عمري الإنسان لنحب يغدر بيا هكا يريدني التبهذيلة يا لوكان يفرقوا دارنا المهم هو كان دايمن يعيط وانا منهزش زيد انا حسيت روحي دمرت وليت نتبع بنات خارجين على الطريق غير باش ننسى هذيك العملة وليت دخان وكذا كذا سمير شافني وحد النهار جا حكيني من يدي بقوة وركبنني في سيارتو ورحنا هذيك الدار وقعد يضرب فيا ويقلي هالتي شوفي حالتك وين وصلتي قتلوا انت لوصلتيني لهذي الحالة المهم ضرب وعناق وزاد تعدى عليا للمرة الثانية،المهم خرجت غير نبكي ونشهد وهو يقلي والله مانخليك ايا رحت مشيت مشيت حتى اغمي عليا في وحد الطريق كفطنت لقيت روحي في مسجد وو حد السيدة تقول للأخرى فيها ريحت الدخان والأخرى تقلها مسكينة منعرف واش حكايتها . انا روحت دوشت واستغفرت وقعدت وحدي نخمم انا وعلاش منصليش انا واش قاعدة ندير عذاب الضمير . نضت توقيت وصليت وجابو لأيام وتعلقت بزاف بالصلاة ورحت لهذاك الطريق وين اغمى عليا وشريت كتب دينية وكنت نقراهم ونزيد نقرأ ودخلت نقرأ دروس قرآنية في المسجد والحمد لله تبدلت حياتي . نهار رحت للمدرسة بالجلباب صاحبتي شيماء تبكي تبكي من الفرحة وهذي صاحبتي هي الوحيدة لحالها بسري لمقدرتش نتحملها وحدي وكانت تنصحني دايمن بالدعاء. ووصل وقت وين هذاك العام نفوت الباك كنت مركزة على القراية وزيد عندي الدروس القرآنية وكنت متفوقة فيهم الإثنين . فات الباك ونجحت بمعدل 14 فرحولي عائلتي وكنت فرحانة وانا نتفاجأ في هذيك الحقيقة بماما تقلي بنتي كبرت ونجحت في الباك وزيد جاوها الخطاب . وانا إرتبكت وقلتلها شكون هاذو مزال مخيرتش واش نقرأ وهي تقلي شكون ومرت خويا تتبسم وقالتلي سمير . وانا عندي فترة طويلة علاقتنا تقطعت ومكانش بيناتنا حتى التلفون . انا بصح راني في أعماقي نحب سمير وجا نهار الخطبة وتفاجأت بسمير لابس قميص وعندو لحية تبسمت وتعجبت. وخويا قالي انت قابلة بلا منحس ولا نخمم قتلو ايه قابلة . وبعدها حددوا العرس لكان غير بينا وبينهم وهكا سمير قالي كادوا الباك تلقايه فيدارك كتجي . بعدها بشهر تزوجنا وكنت فرحانة الإنسان لحبيتو وزيد ربي هدانا لاثنين. كان كادو العرس شمبرة مجهزة بمكتبة كتب عجبني بزاف هذا الكادوا ،بصح انا قتلو احكيلي سمير كفاش هذا التغير قالي والله غير وحد الليلة كنا انا وصحابي في وحد المدينة وسهرانين على محرمات وفجأة ضرب زلزال خفت بزاف وكنت نعيط ياربي متدينيش هكا توبة ياربي . وزيد تفكرت كلامك كقلتيلي ليحب ميآذيش لحبوا بالمعصية ومنها قررت حتى انا نرج لربي سبحانو وليت نحضر محاضرات ونقرأ بزاف وهكا ربي هداني. المهم في تلك الفترة كنت حاملة وانا واليه فرحانين بيا وهو كان فرحان بزاف ، بصح مرت خوه كانت دايمن ديراي مشاكل وتفكيري لزوجها كانت تغر مني خاطر حماي وحماتي يحبوني وكنا نسكنوا في منزل كل واحد والطابق تاعو . كنا نحبوا بعض وزيد حملت من جيهتو كنا سمنة على عسل أما مرت خوه وخو ه وحد المغادرين سؤرتو المرا كانت دايمن ديري مشاكل هذا كامل خاطر تشوف معاملة سمير ليا وزيد حماتي وحمويا ثاني كانوا يحبوني خاصة وانا في فترة الحمل . المهم انا ولدت بنتي أميمة وكانت ملاك وكان سمير متعلق بيها دايمن يخرجها ويشريلها كيما كامل الوالدين وجات فترة كورونا وين كامل العباد تقريبا مرضوا وبما فيهم زوجي سمير مرض مرضة كبيرة حتى وين وصل دخل للسبيطار أربعة أيام وهو غير حالتو تدهور يعيننا كل يوم وانتو أميمة دايمن في التلفون معاه حتى لود الصباح انا كنت ننفض في الفراش على النافدة ونسوي في شمبرا ونسمع جارة تهدر في التلفون وتقول ايه والله جاري مسكين صغير توفى اليوم حتى هو بكورونا وخلى مرتوا صغيرة بالجوف ،وانا ياخذوني حسيت روحي تشليت خاصة هذيك السمعة خاطر مالين الدار عبالهم بحالتي محبوش يخلعوني تم تم . ومرة الايام توفى زوجي سمير وزاد مو راءه مات حماي وحنى حماتي ملي مات ولدها وراجلها كانت دائما في حالة صعبة غير تتدهور حتى زيد لحقت وماتت هي ثاني. يعني انا في هذيك الدار ليحبوني ويحبوا أولادي كامل راحو ،سلامي زعلوني وخرجوني من داري هزيت بنتي ولدي ورحت لدارنا لمزيد مرت خويا لهي سلمتي أيضا كانت مخبية شوية فلوس تاع والديها مشينا بيهم أحوالنا في هذيك الفترة . وانا كنت مع سلامي في المحاكم على جال رزق أولادي وحق باباهم. مرة فترة تقدم لخطبتي صاحب سمير كان مطلق وعندو بنت ،أنا طبعا مقولتش ورفضت وخاصة اني كنت نحب راجلي وزيد نحب نكون ليه في الجنة . بصح مرت خويا ودارنا نصحوني وقتلولي ريحانة خمي في اولادك صغار وليقلهم أب يربيهم ويحميهم وهذا انسان صالح غير توكلي على ربي . ايا تزوجت وكان إنسان خلوق يحب أولادي وانا ثاني نحب بنتوا بصح شيء الاقوى مني اني كنت نرقد مع ولادي وبنتوا في شمبرتهم وهو في شمبرتو وكان راض ولا مرة قالي كلمة أو طلب مني حاجة . مرة بنتو قاتلي ماما علاش مترقديش في شمبرت بابا كيما كانت يما جاوبتها وقتلها انا ولفت هنا هذا ماكان . وهكا كانت قصتي ونهايتها . |
عزيزي الزائر لا تخرج قبل إبداء رأيك في الموضوع فذالك يهمنا